काठमाडौं । आज तीन कम्पनीको लाभांश सुरक्षित गर्ने अन्तिम दिन रहेको छ ।
उक्त दिन ज्योति विकास बैंक, एनएमबि लघुवित्त वित्तीय संस्था र सूर्या लाइफ इन्स्योरेन्सको लाभांश सुरक्षित गर्ने अन्तिम मौका रहेको छ ।
यी तीनै वटा कम्पनीहरुले पुस ९ गते अर्थात शुक्रबार बुक क्लोज गर्न भएको छन् । यसकारण आजसम्म कायम सेयरधनीहरुले साधारण सभामा भाग लिन र लाभांश पाउन सक्नेछन् ।
जसमध्ये ज्योति विकास बैंकले साधारण सभा र लाभांश वितरण प्रयोजनको लागि पुस ९ गतेदेखि २३ गतेसम्म बुक क्लोज गर्ने भएको छ ।
बैकले गत आर्थिक वर्ष २०७७/७८ को मुनाफाबााट सेयरधनीहरुलाई ११ प्रतिशत बोनस सेयर र कर सहित ४.५ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारितका लागि कम्पनीले पुस २३ गते साधारण सभा बोलाएको छ । उक्त सभामा भाग लिन र लाभांश पाउनका लागि पुस ८ गते बिहिवारसम्म सेयरधनी बनिसक्नुपर्नेछ ।
यस्तै, एनएमबि लघुवित्तले साधारण सभा तथा लाभांश वितरणका लागि पुस ९ गतेदेखि २६ गतेसम्म बुक क्लोज गर्ने भएको छ ।
कम्पनीले गत आर्थिक वर्ष २०७७/७८को मुनाफाबाट सेयरधनीलाई २१.५० प्रतिशत बोनस शेयर र १.१३ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो ।
उक्त लाभांश पाउन र सभामा भाग लिनका लागि पुस ८ गतेसम्म कायम सेयरधनी बनिसक्नुपर्नेछ । लाभांश पारितका लागि कम्पनीले पुस २६ गते गर्ने भएको छ ।
त्यसैगरी, सूर्या लाइफ इन्स्योरेन्सले पनि साधारण सभा र लाभांश वितरण प्रयोजनका लागि पुस ९ गतेदेखि १६ गतेसम्म बुक क्लोज गर्ने भएको छ ।
कम्पनीले आर्थिक वर्ष २०७६/७७ को मुनाफाबाट सेयरधनीलाई १२.७० प्रतिशत बोनस सेयर र कर प्रयोजनका लागि ०.६६८४ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारितका लागि कम्पनीले पुस १९ गते साधारण सभा गर्ने भएको छ । पुस ८ गतेसम्म कायम सेयरधनीले सभामा भाग लिन र लाभांश प्राप्त गर्नेछन् ।
वि.सं.२०७८ पुस ८ बिहीवार १०:५९ मा प्रकाशित
