काठमाडौँ । सिटिजन लाइफ इन्स्योरेन्स कम्पनीले प्रमुख कार्यकारी अधिकृत पोषकराज पौडेलले दोस्रो कार्यकालको लागि पनि निरन्तरता पाउने भएका छन् । पौडेलको पहिलो कार्यकाल यहि पुस मसान्तबाट सकिदैग्र्दा सञ्चालक समितिले ४ वर्षको लागि अर्को एक कार्यकाल दिने निर्णय गरेको हो ।
सञ्चालक समितिले कार्यकाल थप गर्ने निर्णय गरेसँगै बीमा समितिमा पेश गरेको छ । समितिले स्वीकृति दिए पछि मात्रै उनलाई कम्पनीले आधिकारिक रुपमा कार्यकाल थपको निर्णय गर्नेछ । बीमा समितिले स्विकृति दियोभने उनको दोस्रो कार्यकाल यहि माघ एक गतेदेखि सुरु हुनेछ ।
पौडेल सिटिजनमा २०७४ माघमा प्रमुख कार्यकारी अधिकृतमा नियुक्त भएका थिए । त्रिभुवन विश्वविद्यालयबाट एमबिए तथा एसीएस र एफएलएमआई (यूएसए)को अध्ययन पूरा गरेका उनले स्वदेश र विदेशमा नेतृत्व विकास तथा व्यवस्थापन विषयमा तालिम लिएका छन् । उनले बैंक, बीमा तथा वित्तीय क्षेत्रमा तीन दशक भन्दा लामो समय विताइसकेका उनले सिटिजनमा आउनु अगाडी नै अमेरिकन लाइफ इन्स्योरेन्स कम्पनी ‘मेट लाइफ’ मा वित्त प्रमुख राम्रो अनुभव संगालेर आएका थिए ।
पछिल्ला दिनहरुमा बिमा समितिमा कार्यकाल थप गर्न भनि आएका प्रायः सहजै स्विकृत भएको ट्रेन र पौडेललको पहिलो कार्यकालको उपलब्धि मुल्यांकन गर्दा समितिबाट उनले अर्काे कार्यकाललाई निरन्तरता पाउने देखिन्छ ।
वि.सं.२०७८ पुस ८ बिहीवार १४:४४ मा प्रकाशित
