काठमाडौं । साताको दोस्रो कारोबार दिन सेयर बजारमा दोहोरो अंकको गिरावट आएको छ ।
उक्त दिन बजार ६९.७७ अंकले घटेको छ । बजार परिसुचक पनि २५२१.६५ अंकको बिन्दुमा पुगेर बन्द भएको छ ।
अघिल्लो दिन ७१.२० अंकले बढेको बजारमा आज भने भारी गिरावट आएको हो । उक्त दिन कारोबार रकम भने वृद्धि भएको छ ।
उक्त दिन ५ अर्ब ६० करोड ७४ लाख ९६ हजार रुपैयाँ बराबरको सेयर कारोबार भएको छ । अघिल्लो दिन ५ अर्ब १७ करोड बराबरको कारोबार भएको थियो ।
उक्त दिन सबै समूहहरु राताम्मे बनेका छन् । सोमबार सबैभन्दा बढी नबिल बैंकको कारोबार भएको छ । आज बैंकको ३० करोड ६० लाख ९९ हजार रुपैयाँ बराबरको सेयर किनबेच भएको हो ।
कारोबार रकमको आधारमा दोस्रो स्थानमा रहेको शिवम् सिमेन्टको २६ करोड ३७ लाख १२ हजार रुपैयाँ बराबरको सेयर किनबेच भएको छ ।
यस्तै, उक्त दिन नेपाल लाइफ इन्स्योरेन्सको २४ करोड ९७ लाख ९७ हजार र हिमालयन डिष्टीलरीको २१ करोड ४१ लाख १९ हजार रुपैयाँ बराबरको सेयर खरिदिबिक्री भएको छ ।
वि.सं.२०७८ पुस १२ सोमवार १५:१५ मा प्रकाशित