काठमाडौं । साताको दोस्रो कारोबार दिन दुई कम्पनीको सेयर मूल्यमा उछाल आएको छ । उक्त दिन गोर्खाज फाइनान्स र मध्य भोटेकोशीको सेयर मूल्यमा सकरात्मक सर्किट लागेको हो ।
सोमबार गोर्खाज फाइनान्स कम्पनीको सेयर मूल्य १० प्रतिशत अर्थात प्रतिकित्ता ७९ रुपैयाँ ७० पैसाले वृद्धि भएको हो । योसंगै कम्पनीको सेयर मूल्य ८७६ रुपैयाँ ७० पैसा कायम भएको छ ।
यस्तै, आज मध्य भोटेकोशी जलविद्युत कम्पनीको सेयर मूल्य पनि १० प्रतिशत अर्थात प्रतिकित्ता ११ रुपैयाँले वृद्धि भएको हो । योसंगै कम्पनीको सेयर मूल्य प्रतिकित्ता १२१ रुपैयाँ कायम भएको छ ।
उक्त दिन यी कम्पनीहरुसहित सामलिङ पावर, सानिमा लार्ज क्याप फण्ड, मेगा बैंक, महुली लघुवित्त, मेगा म्युचुअल फण्ड लगायतका लगानीकर्ताहरुले कमाएका छन् ।
वि.सं.२०७८ पुस १२ सोमवार १५:५० मा प्रकाशित
