काठमाडौं । साताको चौथो कारोबार दिन मध्य भोटेकोशी जलविद्युत कम्पनीको सेयर मूल्यमा उछाल आएको छ । उक्त दिन कम्पनीको सेयर मूल्य ९.९९ प्रतिशतले वृद्धि भएको छ ।
आज कम्पनीको सेयर मूल्य प्रतिकित्ता १३ रुपैयाँ ३० पैसाले वृद्धि भएको हो । योसंगै कम्पनीको सेयर मूल्य १४६ रुपैयाँ ४० पैसा कायम भएको छ ।
कम्पनीको सेयर गत आइतबारदेखि कारोबारमा आएको हो । कारोबारमा आएको पहिलो दिनदेखि नै कम्पनीको सेयर मूल्य उच्च दरमा वृद्धि हुँदै आएको छ ।
नेपाल स्टक एक्सचेञ्ज(नेप्से)का अनुसार आज कम्पनीको १९ हजार ६६४ रुपैयाँ बराबरको सेयर खरिदबिक्री भएको छ । आज कम्पनीको १३७ कित्ता सेयर किनबेच भएको हो ।
वि.सं.२०७८ पुस १४ बुधवार १६:१३ मा प्रकाशित