काठमाडौं । भोलि पुस २२ गते बिहीबार एनएमबि बैंकको २६औं वार्षिक साधारण सभा हुँदैछ ।
सभामा लाभांश पारित गर्ने मुख्य एजेण्डा रहेको छ । बैंकले गत आर्थिक वर्ष २०७७/७८ को मुनाफाबाट सेयरधनीहरुलाई १५.८ प्रतिशत लाभांश दिने प्रस्ताव गरेको छ ।
जसमध्ये बैंकले सेयरधनीहरुलाई १२.५० प्रतिशत बोनस सेयर र कर प्रयोजनका लागि ३.३० प्रतिशत नगद लाभांश वितरण गर्ने प्रस्ताव गरेको हो ।
यस्तै, सभामा आर्थिक वर्ष २०७७/७८ को संचालक समितिको वार्षिक प्रतिवेदन पारित, र आव २०७८/७९ को लागि लेखापरीक्षकको नियुक्ति र निजको पारिश्रमिक तोक्ने प्रस्ताव पारित हुने छ ।
साथै बैंकको प्रबन्धकपत्र तथा नियमावली संशोधनका क्रममा नियमनकारी निकायबाट कुनै फेरबदल, थपघट गर्न निर्देशन वा सुझाव भएमो सोही बमोजिम गर्न वा अभिलेख गर्दा गराउँदा केही सामान्य हेरफेर गर्न, संशोधन सम्बन्धी कागजात प्रमाणित गर्न, दाखिला गर्न र अभिलेख गराई लिन समेत संचालक समिति वा समितिले तोकेको पदाधिकारीलाई अख्तियारी दिने छ ।
सभा प्रयोजनका लागि बैंकले पुस ७ गते बुक क्लोज गरिसकेको छ ।
वि.सं.२०७८ पुस २१ बुधवार १४:१२ मा प्रकाशित
