काठमाडौं । ज्योति विकास बैंकको १४ औं वार्षिक साधारण सभा शुक्रबार सम्पन्न भएको छ ।
सभाले गत आर्थिक वर्ष २०७७/७८ को मुनाफाबाट सेयरधनीहरुलाई १५.५ प्रतिशत लाभांश वितरणको प्रस्ताव पारित गरेको छ ।
बैंकले सेयरधनीहरुलाई हाल कायम भएको चुक्ता पूँजीको ११ प्रतिशत बोनस सेयर र ४.५ प्रतिशत नगद लाभांश वितवरण गर्ने प्रस्ताव गरेको थियो । योसंगै बैंकका चुक्ता पूँजी ४ अर्ब २६ करोड पुगेको छ ।
बैंकका सञ्चालक समितिका अध्यक्ष हरि प्रसादको अध्यक्षतामा सम्पन्न सभाले बैंकको आव २०७७/७८ को बार्षिक प्रतिवेदन पारित गरेको छ ।
सोही सभाले आव २०७७/७८ को सञ्चालक समितिको प्रतिवेदन, लेखापरीक्षकको प्रतिवेदन सहित २०७८ आषाढ मसान्तसम्मको वासलात, नाफा–नोक्सान हिसाब तथा नगद प्रवाह विवरण लगायतका वार्षिक वित्तिय विवरणहरू उपर छलफल गरी स्वीकृत गर्नुका साथै बैंकको प्रबन्धपत्र र नियमावलीमा संशोधन गर्ने प्रस्ताव पारित गरेको छ ।
सोही अवसरमा बैंकले तम्घास, मुर्गिया र टाँडी स्थित थप ३ नयाँ शाखा कार्यालयहरुको उद्घाटन समेत गरेको छ ।योसंगै बैंकका शाखा कार्यालयहरुको संख्या १०८ पुगेको छ ।
वि.सं.२०७८ पुस २३ शुक्रवार १६:२६ मा प्रकाशित