काठमाडौं । नेपाल लाईफको नम्बर वान अभियान बीमा समितिले प्रतिबन्ध गरेको छ । समितिले संस्थागत सुशासन विपरित विना आधार नम्बर वानको विज्ञापन गरेको भन्दै तत्काल बन्द गर्न निर्देशन दिएको हो ।
नम्बर वानको स्वघोषणा गरेकोमा गम्भीर आपत्ति जनाउँदै नियामक निकाय बीमा समितिले नम्बर एक विज्ञापन अभियान तत्काल स्थगित गर्न निर्देशन दिएको समितिका कार्यकारी निर्देशक राजुरमण पौडेलले बताए ।
पौडेलले भने “कम्पनीले त्यत्तीकै नम्बर वान भन्न नपाइदैन, तसर्थ हामीले मोखिक रुपमा जानकारी दिईसकेका छौँ, लिखित जवाफ पठाउने तयारीमा रहेका छौँ ।’
विमा शुल्क आर्जन र पोलिसि बिक्रिलाई आधारमा मानेर आफै नम्बर वानको घोषणा गर्न नपाउने पौडेलको तर्क छ । साथै यो भन्दा पहिला केही नियम उल्लंघन गरेको समेत पुष्टि भईसकेको कारण कम्पनीले नम्बर वान दाबी गर्न नपाउने उनले बताए ।
वि.सं.२०७८ पुस २५ आइतवार १६:१८ मा प्रकाशित
