काठमाडौं । लुम्बिनी विकास बैंकले थप दुई शाखाहरुको शुभारम्भ गरेको छ ।
बैंकले दाङ्गको तुल्सीपुर उप–महानगरपालिका ५ “ख” लाइन स्थित तुल्सीपुर शाखा र रुपन्देहीको बुटवल उप–महानगरपालिका ४ ट्राफिक चोकमा शाखा शुभारम्भ गरेको हो ।
दुईवटा नयाँ शाखाहरुको बिस्तार संगै हाल यस बिकास बैंकले ७ वटै प्रदेशमा ७९ वटा शाखाहरु मार्फत पौष मसान्त सम्ममा बैंकले ४२ अर्ब ३८ करोड रुपैयाँ निक्षेप संकलन गरि ३८ अर्ब ७३ करोड रुपैयाँ कर्जा लगानी गरेको छ ।
यस लुम्बिनी विकास बैंक लिमिटेडले “निरन्तर सहयात्रा ” भन्ने ना का साथ देशभरका ३१ वटा जिल्लामा ७९ शाखाहरु र १७ वटा एटिएमबाट आफ्ना करीब ३ लाख ८० हजार ग्राहक महानुभावहरुलाई उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।
ग्राहकहरुलाई अधिकतम प्रतिफल दिने उद्धेश्यले बैंकले मुद्दती खातामा साप्ताहिक रुपमा ब्याज प्रदान गर्ने बिशेष योजना समेत कार्यान्वयनमा ल्याएको छ ।
वि.सं.२०७८ माघ ४ मंगलवार १३:१९ मा प्रकाशित
