काठमाडौं । बरुण हाइड्रोपावर कम्पनीले आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
शुक्रबार सार्वजनिक गरेको वित्तीय विवरण अनुसार कम्पनीले २ करोड ४ लाख ३८ हजार रुपैयाँ नाफा आर्जन गरेको छ । जुन गत वर्षको सोही अवधिको तुलनामा १३२ प्रतिशतले बढी हो । गत वर्षको पुस मसान्तसम्ममा कम्पनीको नाफा ८७ लाख ९३ हजार रुपैयाँ रहेको थियो ।
उक्त अवधिमा कम्पनको विद्युत बिक्रीबाट हुने आम्दानीमा वृद्धि भएसंगै नाफा बढेको हो । चालु आवको दोस्रो त्रैमाससम्ममा कम्पनीको विद्युत बिक्री आम्दानी ५ करोड ६८ लाख ८९ हजार रुपैयाँ रहेको छ । जुन गत वर्षको सोही अवधिमो तुलनामा ५८.७७ प्रतिशतले बढी हो । गत वर्षको पुस मसान्तसम्ममा कम्पनीको विद्युत बिक्री आम्दानी ३ करोड ५८ लाख ३१ हजार रुपैयाँ रहेको थियो ।
कम्पनीको चुक्ता पुँजी २६ करोड ७९ लाख रुपैयाँ रहेको छ । कम्पनीले जगेडा कोषमा २ करोड ५४ लाख ६३ हजारज रुपैयाँ राखेको छ ।
कम्पनीको प्रतिसेयर आम्दानी १६ रुपैयाँ ९५ पैसा, र प्रतिसेयर नेटवर्थ १०९ रुपैयाँ ५० पैसा रहेको छ ।
वि.सं.२०७८ माघ ७ शुक्रवार १२:५९ मा प्रकाशित