काठमाडौं । चालु आर्थिक वर्ष २०७८/७९को पुस मसान्तसम्मा साढे १३ अर्ब बढी प्रदेशगत पुनरकर्जा स्वीकृत भएको छ ।
नेपाल राष्ट्र बैंकका अनुसार चालु आवको पुस मसान्तसम्म १३ अर्ब ६१ करोड ५१ लाख रुपैयाँ प्रदेशगत पुनरकर्जा स्वीकृत भएको हो ।
उक्त अवधिमा सबैभन्दा बढी पुनकर्जा बागमती प्रदेशमा माग गरिएको छ । कुन पुनकर्जाको ५२.१५ प्रतिशत हिस्सा बागमती प्रदेशको देखिएको छ । चालु आवको पुस मसान्तसम्म उक्त प्रदेशमा ७ अर्ब १० करोड ५ लाख रुपैयाँ पुनरकर्जा स्वीकृत भएको छ ।
पुस मसान्तसम्म सबैभन्दा कम पुनरकर्जा (०.७२ प्रतिशत) सुदुरपश्चिम प्रदेशमा ९ करोड ८४ लाख रुपैयाँ देखिएको छ ।
राष्ट्र बैंकका अनुसार प्रदेश नम्बर १ मा १ अर्ब ६६ करोड ४३ लाख (१२.२२ प्रतिशत), प्रदेश नम्बर २ ४९ करोड २६ लाख (३.६२ प्रतिशत), गण्डकी प्रदेशमा २ अर्ब ४८ करोड ३६ लाख रुपैयाँ (१८.२४ प्रतिशत) पुनरकर्जा स्वीकृत भएको छ ।
यस्तै, उक्त अवधिमा लुम्बिनी प्रदेशमा १ अर्ब ७७ करोड ५९ लाख (१३.०४ प्रतिशत) पुनरकर्जा स्वीकृत भएको राष्ट्र बैंकको तथ्याङ्कमा उल्लेख छ ।
वि.सं.२०७८ माघ ८ शनिवार १७:३३ मा प्रकाशित