काठमाडौं । रिलायन्स लाइफ इन्स्योरेन्स कम्पनीको प्रमुख कार्यकारी अधिकृत (सिईओ)मा राकेश पोखरेल नियुक्त भएका छन् ।
कम्पनीले पोखरेलको नियुक्तिका लागि दिएको सिफारिसलाई बीमा समितिले स्वीकृत दिएको हो ।उनी चार वर्षको लागि सीईओ पदमा नियुक्त भएका हुन् ।
कम्पनीको सञ्चालक समितिले पोखरेललाई केही दिन अघि नै नियुक्त गरिसकेको थियो तर तलब बीमा समितिको मापदण्ड भित्र रहि निर्धारण नभएको भनि समितिले अस्वीकृत गरेको थियो । कम्पनीले पुनः तलव संशोधन सहित पेश गरेपछि स्वीकृत दिएको बीमा समितिले जनाएको हो ।
पोखरलले यसअघि आईएमई लाइफ इन्स्योरेन्समा डेपुटी सीईओको जिम्मेवारी सम्हालिसकेका छन् भने उनीसँग बीमा क्षेत्रमा करिब ७ वर्ष काम गरेको अनुभव छ । पोखरेलका लागि यसअघिका सिईओ प्रविणरमण पराजुलीकै बराबरी तलव सुविधा तोकिएको भएपनि बीमा समितिले तोकेको मापदण्ड भन्दा सामान्य फरक परेको थियो । तलव सुविधाहरु बीमा समितिको मापदण्ड अनुसार नै भएपछि स्वीकृति दिइएको बीमा समितिले जनाएको छ ।
वि.सं.२०७८ माघ ९ आइतवार ०८:०२ मा प्रकाशित