काठमाडौं । समृद्धि फाइनान्सले चालु आर्थिक वर्ष २०७८/७९ को दोस्रो त्रैमासिक वित्तीय विवरण सोमबार सार्वजनिक गरेको छ ।
कम्पनीले चालु आवको पुस मसान्तसम्ममा ६० लाख २२ हजार रुपैयाँ नाफा कमाएको छ । जुन गत वर्षको सोही अवधिको तुलनामा ६३.९४ प्रतिशतले कमी हो । कम्पनीले गत वर्षको पुस मसान्तसम्ममा १ करोड ६७ लाख ३ हजार रुपैयाँ नाफा कमाएको थियो ।
कम्पनीले खुद ब्याज आम्दानीमा उल्लेखीय सुधार गरेको छ । गत वर्षको दोस्रो त्रैमासमा १६ लाख ८३ हजार ऋणात्मक रहेको कम्पनीको खुद ब्याज आम्दानी यस वर्षको सोही अवधिमा भने २ करोड ९८ लाख ८८ हजार रुपैयाँ रहेको छ । कम्पनीको वितरण योग्य मुनाफा ५ लाख ६४ हजार रुपैयाँ रहेको छ ।
उक्त अवधिमा कम्पनीको संचालन मुनाफा भने ऋणात्मक रहेको छ । गत वर्षको दोस्रो त्रैमासमा ८१ लाख २८ हजार रुपैयाँ रहेको कम्पनीको संचालन मुनाफा यस वर्षको सोही अवधिमा भने ९६ लाख १७ हजार रुपैयाँ ऋणात्मक रहेको छ ।
कम्पनीको चुक्ता पुँजी ५४ करोड ५९ लाख ४१ हजार रुपैयाँ रहेको छ । कम्पनीले जगेडा कोषमा भने १२ करोड ७७ लाख ६६ हजार रुपैयाँ राखेको छ । कम्पनीका खराब कर्जा २.९० प्रतिशत रहेको छ ।
वि.सं.२०७८ माघ १० सोमवार ११:३३ मा प्रकाशित