काठमाडौं । साताको दोस्रो कारोबार दिन दुई कम्पनीको सेयर मूल्यमा उछाल आएको छ ।
सोमबार विन नेपाल लघुवित्त वित्तीय संस्था र बुद्धभुमि नेपाल हाइड्रोपावरको सेयर मूल्यमा सकरात्मक सर्किट लागेको हो ।
उक्त दिन विन नेपाल लघुवित्तको सेयर मूल्य १० प्रतिशत अर्थात प्रतिकित्ता ९१ रुपैयाँ ४० पैसाले वृद्धि भएको हो । योसंगै आज कम्पनीको सेयर मूल्य १ हजार ५ रुपैयाँ ५० पैसा पुगेको छ । आज कम्पनीको ८० हजार रुपैयाँ बराबरको ८२ कित्ता सेयर कारोबार भएको छ ।
यस्तै, उक्त दिन बुद्धभुमि नेपाल हाइड्रोपावरको सेयर मूल्य पनि १० प्रतिशतले वृद्धि भएको छ । आज कम्पनीको सेयर मूल्य प्रतिकित्ता ३४ रुपैयाँ ४० पैसाले वृद्धि भई ३८२ रुपैयाँ ९० पैसा कायम भएको छ ।
आज कम्पनीको ५२ हजार रुपैयाँ बराबरको १४० कित्ता सेयर खरिदबिक्री भएको नेप्सेले जनाएको छ ।
वि.सं.२०७८ माघ १० सोमवार १५:४५ मा प्रकाशित