काठमाडौं । सोमबार सेयर बजारमा भारी गिरावट आएको छ । उक्त दिन बजार ९९.८६ अंकले घटेको छ ।
साताको दोस्रो कारोबार दिन बजार परिसुचक २८२०.६५ अंकको बिन्दुमा पुगेर बन्द भएको छ । आज कारोबार रकम भने वृद्धि भएको छ ।
आज ८ अर्ब ८८ करोड ८५ लाख १३ हजार रुपैयाँ बराबरको १ करोड ७० लाख ६३ हजार ८३३ कित्ता सेयर खरिदबिक्री भएको हो ।
उक्त दिन सबैभन्दा बढी अपि पावरको सेयर कारोबार भएको छ । आज कम्पनीको ३८ करोड ३४ लाख २४ हजार रुपैयाँ बराबरको सेयर कारोबार भएको हो । नेपाल स्टक एक्सचेञ्ज(नेप्से)का अनुसार आज कम्पनीको ७ लाख २६ हजार ५७५ कित्ता सेयर किनबेच भएको हो । कम्पनीको सेयर मूल्य आज प्रतिकित्ता ५२३ रुपैयाँ कायम भएको छ ।
कारोबार रकमकै आधारमा दोस्रो स्थानमा रहेको एनआईसी एशिया बैंकको ३६ करोड ७३ लाख ६४ हजार रुपैयाँ बराबरको सेयर किनबेच भएको छ । बैंकको ४ लाख १९ हजार ३३५ कित्ता सेयर खरिदबिक्री भएको नेप्सेले जनाएको छ । आज बैंकको सेयर मूल्य प्रतिकित्ता ८६६ रुपैयाँ २० पैसा कायम भएको छ ।
यस्तै, उक्त दिन अरुण भ्याली हाइड्रोपावर कम्पनीको पनि सर्वाधिक सेयर कारोबार भएको छ । आज कम्पनीको ३० करोड ४९ लाख ६६ हजार रुपैयाँ बराबरको सेयर खरिदबिक्री भएको हो । आज कम्पनीको ५ लाख ८७ हजार ४९२ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य भने प्रतिकित्ता ५१४ रुपैयाँ कायम भएको छ ।
वि.सं.२०७८ माघ १० सोमवार १६:०५ मा प्रकाशित
