काठमाडौं । स्वरोजगार लघुवित्त वित्तीय संस्थाले बोनस सेयरमा लाग्ने कर वापतको रकम जम्मा गरिदिन सेयरधनीहरुलाई अनुरोध गरेको छ ।
एक सूचना निकाल्दै कम्पनीले सेयरधनीहरूले संस्थाको नाममा रहेको बैंक खातामा कर बापतको रकम जम्मा गरी आफ्नो बोनस सेयर प्राप्त गर्ने सक्ने जनाएको छ ।
कर वापतको रकम बैंकमा जम्मा गर्दा भौचरमा आफ्नो हितग्राही खाता नं. नाम तथा सम्पर्क नम्बर समेत अनिवार्य उल्लेख गर्न संस्थाले आग्रह गरेको हो ।
कम्पनीले २०७७ साल असोज २५ गते पश्चात सेयर खरिद गरी कायम भएका सेयरधनीहरूलाई संस्थाको यसै बर्षको कार्तिक २८ गते सम्पन्न १३ औँ वार्षिक साधारण सभाबाट पारित भएको २५ प्रतिशतका दरले बोनस सेयर बापतमा लाग्ने कर रकम जम्मा गर्न आग्रह गरेको हो ।
विस्तृतका लागि हेर्नुहोस्, सूचना:
वि.सं.२०७८ माघ ११ मंगलवार ११:३६ मा प्रकाशित
