काठमाडौं । बुधवार पनि सेयर बजारमा दोहोरो अंकको गिरावट आएको छ । उक्त दिन बजार ३८.४५ अंकले घटेको हो ।
साताको चौथो कारोबार दिन बजार परिसुचक २७७६.६१ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
उक्त दिन कारोबार रकममा पनि गिरावट आएको छ मंगलबार ५ अर्ब बढी कारोबार भएकोमा आज घटेर ४ अर्ब ३१ करोड ३१ लाख ५४ हजार रुपैयाँ बराबरको सेयर कारोबार भएको छ ।
उक्त दिन सबैभन्दा बढी अपि पावर कम्पनीको सेयर कारोबार भएको छ । आज कम्पनीको १६ करोड ७७ लाख ५७ हजार रुपैयाँ बराबरको सेयर कारोबार भएको हो ।
कारोबार रकमकै आधारमा दोस्रो स्थानमा रहेको अरुण भ्याली हाइड्रोपावरको १३ लाख ५५ हजार लाख ६७ हजार रुपैयाँ बराबरको सेयर खरिदबिक्री भएको छ ।
यस्तै, मंगलबार अपर तामाकोशीको १० करोड ३१ लाख ६८ हजार रुपैयाँ बराबरको सेयर किनबेच भएको हो ।
वि.सं.२०७८ माघ १२ बुधवार १५:११ मा प्रकाशित
