काठमाडौं । साताको चौथो कारोबार दिन दुई कम्पनीको सेयर मूल्यमा उछाल आएको छ ।
बुधवार विन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनीको सेयर मूल्यमा सकरात्क सर्किट लागेको हो ।
उक्त दिन विन नेपाल लघुवित्तको सेयर मूल्य १० प्रतिशत अर्थात प्रतिकित्ता ११० रुपैयाँ ६० पैसाले वृद्धि भएको हो । योसंगै कम्पनीको सेयर मूल्य १ हजार २१६ रुपैयाँ ६० पैसा कायम भएको छ ।
नेपाल स्टक एक्सचेञ्ज(नेप्से)का अनुसार आज कम्पनीको ३ लाख ९१ हजार रुपैयाँ बराबरको ३२४ कित्ता सेयर खरिदबिक्री भएको छ ।
यस्तै, बुधवार बुद्धभुमि नेपालको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य १० प्रतिशत अर्थात प्रतिकित्ता ४२ रुपैयाँ १० पैसाले वृद्धि भई ४६३ रुपैयाँ २० पैसा कायम भएको छ ।
आज कम्पनीको ३ लाख ७८ हजार रुपैयाँ बराबरको ८२० कित्ता सेयर खरिदबिक्री भएको नेप्सेले जनाएको छ ।
वि.सं.२०७८ माघ १२ बुधवार १५:२५ मा प्रकाशित