काठमाडौं । बुधवार पनि सेयर बजारमा दोहोरो अंकको गिरावट आएको छ । उक्त दिन बजार ३८.४५ अंकले घटेको हो ।
साताको चौथो कारोबार दिन बजार परिसुचक २७७६.६१ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
उक्त दिन कारोबार रकममा पनि गिरावट आएको छ मंगलबार ५ अर्ब बढी कारोबार भएकोमा आज घटेर ४ अर्ब ३१ करोड ३१ लाख ५४ हजार रुपैयाँ बराबरको सेयर कारोबार भएको छ ।
उक्त दिन अपि पावर कम्पनीको सर्वाधिक सेयर कारोबार भएको छ । आज कम्पनीको १६ करोड ७७ लाख ५७ हजार रुपैयाँ बराबरको सेयर कारोबार भएको हो ।
उक्त दिन कम्पनीको ३ लाख २६ हजार ५१३ कित्ता सेयर खरिदबिक्री भएको नेपला स्टक एक्सचेञ्ज(नेप्से)ले जनाएको छ । कम्पनीको सेयर मूल्य भने प्रतिकित्ता ५१२ रुपैयाँ कायम भएको छ ।
यस्तै, कारोबार रकमको आधारमा दोस्रो स्थानमा रहेको अरुण भ्याली हाइड्रोपावर कम्पनी रहेको छ । आज कम्पनीको १३ करोड ५५ लाख ६७ हजार रुपैयाँ बराबरको सेयर किनबेच भएको हो ।
उक्त दिन कम्पनीको २ लाख ७० हजार ७८८ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य भने आज ४९९ रुपैयाँ कायम भएको छ ।
उक्त दिन कारोबार रकमको आधारमा तेस्रो स्थानमा रहेको अपर तामाकोशीको १० करोड ३१ लाख ६८ हजार रुपैयाँ बराबरको सेयर खरिदबिक्री भएको हो ।
आज कम्पनीको १ लाख ४८ हजार १२३ कित्ता सेयर किनबेच भएको छ । कम्पनीको सेयर मूल्य भने ६९५ रुपैयाँ कायम भएको छ ।
वि.सं.२०७८ माघ १२ बुधवार १५:४६ मा प्रकाशित
