काठमाडौं । आरएसडिसी लघुवित्त वित्तीय संस्थाले चालु आर्थिक वर्ष २०७८/७९ दोस्रो त्रैमासिक वित्तीय विवरण सार्वजनिक गरेको छ ।
कम्पनीले बिहीबार सार्वजनिक गरेको वित्तीय विवरण अनुसार कम्पनीको नाफा घटेको देखिएको छ । चालु आवको पुस मसान्तसम्ममा कम्पनीको ६.५६ प्रतिशतले घटेर ४ करोड ८९ लाख १९ हजार रुपैयाँ कायम भएको छ । गत वर्षको सोही अवधिमा कम्पनीले ५ करोड २३ लाख ५५ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी ९ करोड ४३ लाख ८३ हजार रुपैयाँ रहेको छ । यो आम्दानी गत वर्षको पुस मसान्तसम्मको तुलनामा भने १८.७८ प्रतिशतले बढी हो । कम्पनीले गत वर्षको सोही अवधिमा ७ करोड ९४ लाख ५५ हजार रुपैयाँ खुद ब्याज आम्दानी गरेको थियो ।
चालु आवको दोस्रो त्रैमाससम्ममा कम्पनीको खुद संचालन मुनाफामा भने ३.७८ प्रतिशतले घटेर ८ करोड ९५ लाख ३३ हजार रुपैयाँ कायम भएको छ । यो मुनाफा गत वर्षको सोही अवधिमा भने ९ करोड २८ लाख ४७ हजार रुपैयाँ रहेको थियो ।
कम्पनीको वितरणयोग्य मुनाफा ३ करोड ७६ लाख ५ हजार रुपैयाँ रहेको छ । कम्पनीको चुक्ता पुँजी ८० करोड ५१ लाख ५५ हजार रुपैयाँ रहेको छ । कम्पनीले जगेडा कोषमा ७ करोड ७७ लाख ६९ हजार रुपैयाँ राखेको छ ।
कम्पनीले खराब कर्जा पनि घटाएको देखिएको छ । गत वर्षको पुस मसान्तमा ०.६४ प्रतिशत रहेको खराब कर्जा यसवर्षको सोही अवधिमा भने ०.२८ प्रतिशत रहेको छ ।
कम्पनीको प्रतिसेयर आम्दानी १२ रुपैयाँ १५ पैसा र प्रतिसेयर नेटवर्थ ११५ रुपैयाँ ५६ पैसा रहेको छ ।
वि.सं.२०७८ माघ १३ बिहीवार १३:२६ मा प्रकाशित
