काठमाडौं । नेपाल राष्ट्र बैंकले विभिन्न कोषमा रहेको करिव साढे १० करोड रुपैयाँ लगानी गर्ने भएको छ ।
बैंकले १० करोड ५८ लाख रुपैयाँ रकम मुद्दति निक्षेपका रुपमा बैंक तथा वित्तीय संस्थामा लगानी गर्न लागेको हो ।
बैंकले वाणिज्य बैंकहरुमा ८ अर्ब ३९ करोड रुपैयाँ, राष्ट्रियस्तरका विकास बैंकहरुमा १ करोड ५७ लाख रुपैयाँ र फाइनान्समा ५२ लाख रुपैयाँ मुद्दति निक्षेपका रुपमा लगानी गर्नेछ ।
उक्त लगानी रकम २०७८ फागुन २ गतेदेखि २०७९ फागुन १ गतेसम्म ३६५ दिनका लागि हुने बैंकद्वारा जारी सूचनामा उल्लेख छ ।
बैंकले मुद्दति निक्षेपका रुपमा राख्न चाहने रकम खुलाई राष्ट्र बैंकमा ब्याजदर प्रस्ताव पेस गर्न आह्वान गरेको छ । बैंक तथा वित्तीय संस्थाले माघ १८ गते १२ बजेसम्म राष्ट्र बैंकमा इमेलमार्फत ब्याजदर प्रस्ताव पेश गर्न सक्नेछन् ।
विस्तृतका लागि हेर्नुहोस् सूचना:
वि.सं.२०७८ माघ १४ शुक्रवार १४:३२ मा प्रकाशित