काठमाडौं । मानुषी लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले नाफामा छलाङ मारेको छ । गत वर्षको पुस मसान्तसम्मा नोक्सानीमा रहेको कम्पनीले यस वर्षको सोही अवधिमा भने १ करोड ५१ लाख ३१ हजार रुपैयाँ गरेको छ । गत वर्षको सोही अवधिमा कम्पनी ४६ लाख ५५ हजार रुपैयाँ नोक्सानीमा रहेको थियो ।
उक्त अवधिमा कम्पनीको खुद ब्याज आम्दानी ४ करोड ९४ लाख ४२ हजार रुपैयाँ रहेको छ । जुन गत वर्षको पुुस मसान्तको तुलनामा २८.७६ प्रतिशतले बढी हो । गत वर्षको सोही अवधिमा कम्पनीको खुद ब्याज आम्दानी ३ करोड ८३ लाख ९८ हजार रुपैयाँ रहेको थियो ।
यस्तै, चालु आवको पुस मसान्तसम्म कम्पनीको संचालन मुनाफा २ करोड ४० लाख २० हजार रुपैयाँ रहेको छ ।
कम्पनीको चुक्ता पुँजी १० करोड ९३ लाख ७५ हजार रुपैयाँ रहेको छ । कम्पनीले जगेडा तथा कोषमा भने ४ करोड ८१ लाख १८ हजार रुपैयाँ रहेको छ ।
उक्त अवधिमा कम्पनीले खराब कर्जा पनि ह्वात्तै घटाएको छ । गत वर्षको पुस मसान्तसम्म १३.०३ प्रतिशत रहेको खराब कर्जा यस वर्षको सोही अवधिमा भने ३.६९ प्रतिशतमा झारेको छ ।
कम्पनीको प्रतिसेयर आम्दानी २७ रुपैयाँ ६७ पैसा र प्रतिसेयर नेटवर्थ १४३ रुपैयाँ ९९ पैसा रहेको छ ।
वि.सं.२०७८ माघ १६ आइतवार ११:१७ मा प्रकाशित