काठमाडौँ । बीमा समितिले प्राईम लाईफ इन्स्योरेन्सलाई दुई बदमासी गरेको ठहर गरेको छ ।
समितिद्धारा जारी निर्देशनलाई ठाडै अस्विकार गरि २ बदमासी गरेपछि बीमा समितिले कारबाही गर्ने निर्णय गरेको हो ।
समितिबाट जारी सुशासन सम्बन्धी निर्देशिका, २०७५ तथा वैदेशिक रोजगार म्यादी जीवन बीमा सम्बन्धी निर्देशन, २०७३ विपरित कार्य गरेकोमा र प्राइम लाइफको स्थलगत निरीक्षण हुँदा सो कम्पनीले सुशासन सम्बन्धी निर्देशिका, २०७५ को दफा १२ उल्लङ्घन गरी तलब भत्ता निर्धारण नै नगरी कर्मचारीका नाममा ठूलो रकम खर्च गरेको, बीमितको हित विपरित नक्कली बीमालेख जारी हुन गएको र वैदेशिक रोजगार म्यादी जीवन बीमा सम्बन्धी निर्देशन, २०७३ बमोजिम सुरक्षित, मर्यादित र व्यवस्थितरूपले वैदेशिक रोजगार बीमा नगरेको देखिएकाले बीमा ऐन, २०४९ को दफा ३६ को उपदफा (१) बमोजिम प्राईमलाई दश।दश गरि बीस हजार रुपैयाँ जरिवाना गर्ने निर्णय गरेको हो ।
वि.सं.२०७८ माघ १६ आइतवार १५:५२ मा प्रकाशित
