काठमाडौं । अरुण कावेली पावरले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले २० करोड २ लाख ८५ हजार रुपैयाँ नाफा गरेको छ । जुन गत वर्षको तुलनामा ९.६३ प्रतिशतले बढी हो । कम्पनीले गत वर्षको सोही अवधिमा भने १८ करोड २६ लाख ८६ हजार रुपैयाँ नाफा कमाएको थियो ।
चालु आवको ६ महिनाको अवधिमा कम्पनीले विद्युत बिक्रीबाट ४५ करोड ४१ लाख ६९ हजार रुपैयाँ आम्दानी गरेको छ । जुन आम्दानी गत वर्षको सोही अवधिको तुलनामा भने १६.८८ प्रतिशतले बढी हो । गत वर्षको पुस मसान्तसम्मा कम्पनीको यो आम्दानी ३८ करोड ८५ लाख ७५ हजार रुपैयाँ रहेको थियो ।
उक्त अवधिमा कम्पनीको संचालन मुनाफा पनि १७.१० प्रतिशतले वृद्धि भई ४२ करोड १६ लाख ३ हजार रुपैयाँ पुगेको छ ।
कम्पनीको चुक्ता पुँजी १ अर्ब ८५ करोड ५२ लाख १० हजार रुपैयाँ रहेको छ । कम्पनीले जगेडा कोषमा भने २० करोड ६२ लाख ४१ हजार रुपैयाँ राखेको छ ।
कम्पनीको प्रतिसेयर आम्दानी २१ रुपैयाँ ५९ पैसा र प्रतिसेयर नेटवर्थ भने १११ रुपैयाँ १२ पैसा रहेको छ ।
वि.सं.२०७८ माघ १७ सोमवार ११:४७ मा प्रकाशित