काठमाडौ । भारतले नेपाललाई दिने अनुदान २४ प्रतिशतले घटाएको छ । भारतीय वित्त मन्त्री निर्मला सितारमणले सन् २०२२/२३ का लागि मंगलबार संघिय संसदमा पेश गरेको बजेटमा भारतले नेपाललाई दिने अनुदान घटाएको हो ।
चालु आर्थिक बर्षको २०२१÷२२ को लागि भारतले नेपाललाई ९ अर्ब ९ अर्ब ९२ करोड अर्थात् १५ अर्ब ८७ करोड रुपैयाँ बरारको बजेट छुट्याएको थियो । तर आगामी आर्थिक बर्षको लागि भने भारतले नेपाललाई दिने सहयोग कम गरेको हो ।
उसले नेपाललाई दिदै आएको अनुदान २ अर्ब ४२ करोड भारुले घटाएपनि बंगलादेश र माल्दिभ्सलाई दिने सहायता रकम भने बढाएको छ । चालु आर्थिक बर्षका लागि भारतले बंगलादेशलाई २ अर्ब भारु छुट्याइएकोमा आगामी बर्षका लागि एक अर्ब भारु बढाएर ३ अर्ब छुट्याएको भारतीय वित्तमन्त्री सितारमणले पेश गरेको बजेटमा उल्लेख गरिएको छ ।
त्यस्तै, माल्दिभ्सलाई दिने सहयोग रकममा पनि भारतले १ अर्ब १० करोड भारु बढाएर ३ अर्ब ६० करोड भारु पुर्याएको छ । चालु आर्थिक बर्षको लागि भारले माल्दिभ्सलाई २ अर्ब ५० करोड भारु छुट्याएको छ ।
त्यस्तै भारले अफगानिस्तानलाई दिइने सहयोग रकम घटाइएको छ। अफगानिस्तान अहिले माननीय संकटबाट जुधिरहेको छ । यो समयमा अफगानिस्तानलाई थप सहयोग चाहिएको छ । तर चिन सरकारसँग नजिक भएको भन्दै भारतले अफगानिस्तानको लागि जाने बजेटमा कटौति गरेको हो ।
चालु आर्थिक बर्षको लागि भारतले अफगानिस्तानको लागि ३ अर्ब ५० करोड भारतीय रुपैयाँ छुट्याएको थियो भने आगामी आर्थिक बर्षको लागि एक अर्ब ५० करोड रुपैयाँ घटाएर २ अर्ब रुपैयाँ भारु छुट्याएको छ ।
त्यस्तै कर्जाको समस्यामा परिरहेको श्रीलंकाको लागि भारतले २ अर्ब भारु छुट्याएको छ । जुन चालु आर्थिक बर्षको लागि पनि सोही रकम बराबरको बजेट छुट्याएको थियो । त्यस्तै भुटानलाई दिने सहायतामा पनि भारतले कमी गरेको छ ।
भुटानलाई सन् २०२२/२३ मा २२ अर्ब ६६ करोड भारु सहयोग प्रस्ताव गरिएको छ। यो चालु आर्थिक बर्षको लागि छुट्याएको रकमको ७ अर्ब ३४ करोडले घटाएको छ ।
वि.सं.२०७८ माघ १८ मंगलवार १४:४७ मा प्रकाशित
