काठमाडौं । साताको तेस्रो कारोबार दिन सेयर बजार दोहोरो अंकले वृद्धि भएको छ । आज बजार १९.२६ अंकले वृद्धि भएको हो ।
मंगलबार बजार परिसुचक २८९१.३० अंकको बिन्दुमा पुगेर बन्द भएको छ । आज कारोबार रकममा बढोत्तरी देखिएको छ ।
उक्त दिन ६ अर्ब ५७ करोड ४८ लाख ४२ हजार रुपैयाँ बराबरको १ करोड २१ लाख ६७ हजार ६०५ कित्ता सेयर खरिदबिक्री भएको हो ।
मंगलबार सबैभन्दा बढी नेशनल हाइड्रोपावर कम्पनीको सेयर कारोबार भएको छ । उक्त दिन कम्पनीको ३९ करोड १ लाख ४१ हजार रुपैयाँ बराबरको सेयर कारोबार भएको हो । कम्पनीको आज ९ लाख ५५ हजार २७० कित्ता सेयर खरिदबिक्री भएको छ । कम्पनीको सेयर मूल्य भने आज प्रतिकित्ता ४१७ रुपैयाँ १० पैसा कायम भएको छ ।
कारोबार रकमकै आधारमा दोस्रो स्थानमा रहेको अरुण भ्याली हाइड्रोपावरको ३७ करोड १४ लाख ४५ हजार रुपैयाँ बराबरको सेयर खरिदबिक्री भएको हो । उक्त दिन कम्पनीको ६ लाख ७१ हजार २८७ कित्ता सेयर किनबेच भएको छ । कम्पनीको सेयर मूल्य भने प्रतिकित्ता ५६३ रुपैयाँ पुगेको छ ।
यस्तै, आज अपि पावर कम्पनीको ३५ करोड ७ लाख ९५ हजार रुपैयाँ बराबरको सेयर खरिदबिक्री भएको छ । कम्पनीको आज ६ लाख ३९ हजार १७८ कित्ता सेयर किनबेच भएको हो । कम्पनीको सेयर मूल्य ५५१ रुपैयाँ कायम भएको छ ।
त्यसैगरि मंगलबार अपर तामाकोशी हाइड्रोपावरको ३४ करोड २७ हजार रुपैयाँ बराबरको ४ लाख ४६ हजार ४६१ कित्ता र एचआईडीसीएलको ३० करोड ४ लाख ८४ हजार रुपैयाँ बराबरको ८ लाख ३३ हजार ८८० कित्ता सेयर खरिदबिक्री भएको छ ।
वि.सं.२०७८ माघ १८ मंगलवार १५:२१ मा प्रकाशित