काठमाडौं । पुर्व अर्थमन्त्री डा.रामशरण महतले एमसिसि सम्झौताबारे गलत अर्थ लगाएको बताएका छन् । उनले बुधबार एक ट्वीट गर्दै एससिसि सही रहेको र यसलाई संसदबाट अनुमोदन गर्नु आवश्यक रहेको पनि स्पष्ट पारेका छन् ।
उनले एमसिसि सहयोगको लागि अमेरिकासँग भएको कमप्याक्ट सम्झौताबारे नेपालमा गलत अर्थ लगाएको र संसदमा विना कारण आलोचना गरी पास हुन नदिनु गलत भएको बताए ।
उनले ट्वीटमा लेखेका छन्, ‘एमसीसीबारे गलत अर्थ लगाएर संसदीय अनुमोदन रोक्ने काम राष्ट्रको आर्थिक हित विपरित हो । सैनिक संबन्ध एवं अमेरिकी कानुन नेपालमा लागु हुने भन्ने जस्ता आरोप पनि विलकुलै असत्य हो ।’
उनी अर्थमन्त्री हुदाको समयमा नै तत्कालिन अमेरिकी राजदुतको रुपमा गएका डा.शंकर शर्माले अमेरिकी सरकारसँग नेपाललाई सहयोग गर्न आग्रह गरेका थिए ।
उनले नै एमसिसिको विजारोपण गरेका कारण पनि उनले एमसिसि सही रहेको स्पष्ट पारेका हुुन् ।
उनले सो एमसिसि पास नगरेमा अन्य सहयोगका लागि पनि अप्ठ्यारो पर्ने संकेत गरेका छन् । संसदमा प्रतिपक्षी दलको हैसियतले नेकपा एमालेले एमसीसी संसदबाट पास गर्न नदिई विरोध गरिरहेको छ ।
वि.सं.२०७८ माघ २० बिहीवार १७:२२ मा प्रकाशित