काठमाडौं । सर्पोट लघुवित्त वित्तीय संस्थाले चालु आर्थिक वर्ष २०७८/७९ दोस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार कम्पनीले ९९ लाख ७ हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा ३७.३३ प्रतिशतले कमी हो । गतवर्षको सोही अवधिमा कम्पनीले १ करोडठठ ५८ लाख ८ हजार रुपैयाँ नाफा गरेको थियो । कम्पनीको खुद ब्याज आम्दानी र संचलान मुनाफामा गिरावट आएसंगै नाफा घटेको हो ।
चालु आवको ६ महिनाको अवधिमा कम्पनीको खुद ब्याज आम्दानी पनि ११.८३ प्रतिशतले घटेर ३ करोड ६४ लाख ५९ हजार रुपैयाँ कायम भएको छ । गत वर्षको सोही अवधिमा भने कम्पनीको यो आम्दानी ४ करोड १२३ लाख ५३ हजार रुपैयाँ रहेको थियो ।
उक्त अवधिमा कम्पनीको संचालन मुनाफामा पनि गिरावट देखिएको छ । गत वर्षको पुस मसान्तसम्ममा २ करोड ५० लाख ९२ हजार रुपैयाँ मुनाफा कमाएको कम्पनीको यस वर्षको सोही अवधिमा भने ३७.३३ प्रतिशतले घटेको छ । योसंगै यस वर्षको पुस मसान्तसम्ममा कम्पनीको संचालन मुनाफा १ करोड ५७ लाख २६ हजार रुपैयाँ कायम भएको छ ।
कम्पनीको चुक्ता पुँजी ८ करोड ५८ लाख रुपैयाँ रहेको छ । कम्पनीले जगेडा तथा कोषमा भने ४ करोड ५ लाख ७४ हजार रुपैयाँ राखेको छ ।
चालु आवको पुस मसान्तसम्ममा कम्पनीको खराब कर्जा भने १.१२ प्रतिशतले वृद्धि भई ३.७४ प्रतिशत पुगेको छ ।
कम्पनीको प्रतिसेयर आम्दानी पनि २४ रुपैयाँ ८१ पैसाले घटेर २३ रुपैयाँ ९ पैसामा झरेको छ । कम्पनीको प्रतिसेयर नेटवर्थ १४७ रुपैयाँ २९ पैसा रहेको छ ।
वि.सं.२०७८ माघ २१ शुक्रवार १०:३० मा प्रकाशित