काठमाडौं । सानिमा माई हाइड्रोपावर कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको ६ महिनाको अवधिमा कम्पनीले ३७ करोड १४ लाख ५३ हजार रुपैयाँ नाफा कमाएको छ । जुन गत वर्षको सोही अवधिको तुलनामा १७.९८ प्रतिशतले बढी हो । गत वर्षको पुस मसान्तसम्ममा कम्पनीले ३१ करोड ४८ लाख १८ हजार रुपैयाँ नाफा गरेको थियो ।
चालु आवको पुस मसान्तसम्ममा कम्पनीको विद्युत बिक्रीबाट हुने आम्दानी पनि ५.४९ प्रतिशतले वृद्धि भई ५७ करोड ६५ लाख ७५ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी ५४ करोड ६५ लाख ४० हजार रुपैयाँ रहेको थियो ।
उक्त अवधिमा कम्पनीले ४४ करोड ९० लाख ६८ हजार रुपैयाँ खुद संचालन मुनाफा आर्जन गरेको छ ।
कम्पनीको चुक्ता पुँजी ३ अर्ब ८ करोड ९२ लाख ५१ हजार रुपैयाँ रहेको छ । कम्पनीले जगेडा कोषमा भने ७४ करोड २७ लाख २० हजार रुपैयाँ राखेको छ ।
कम्पनीको प्रतिसेयर आम्दानी पनि ८१ पैसाले वृद्धि भई १२ रुपैयाँ २ पैसा पुगेको छ भने प्रतिसेयर नेटवर्थ १२४ रुपैयाँ २५ पैसा रहेको छ ।
वि.सं.२०७८ माघ २१ शुक्रवार १०:५८ मा प्रकाशित