काठमाडौं । नेपाल क्रेडिट एण्ड कमर्स (एनसीसी) बैंकले संस्थापक सेयर बिक्रीमा ल्याएको छ ।
बैंकले संस्थापक सेयरधनीहरुको नाममा रहेको ७ लाख ५९ हजार बढी कित्ता संस्थापक सेयर बिक्री गर्ने भएको हो । उक्त संस्थापक सेयर गत माघ १६ गते आइतबारदेखि बिक्रीमा ल्याएको हो ।
बैंकले संस्थापक सेयरधनी कोषराज बन्तको नाममा रहेको ३ लाख ८ हजार कित्ता, बोध प्रसाद त्रिपाठीको नाममा रहेको १ लाख ८ हजार कित्ता, मेनका लामाको १ लाख ४ हजार १०६ कित्ता संस्थापक सेयर बिक्री गर्न लागेको हो ।
यस्तै, बैंकले संस्थापक सेयरधनी दिपक लामाको ९५ हजार ७३७ कित्ता, कैलाश पतीन्द्र अमात्यको नाममा रहेको ८७ हजार ३३५ कित्ता, अम्बर बहादुर तामाङको ४१ हजार ४३ कित्ता, गिरीराज शर्मा संग्रौलाको १४ हजार १२१ कित्ता, पवन सिंश भण्डारी १ हजार कित्ता संस्थापक सेयर बिक्री गर्न लागेको छ ।
बैंकले २०७८ पुस २९ गते सम्पन्न २४औं वार्षिक साधारण सभाले पारित गरेको ८ प्रतिशत बोनस सेयर सहित बिक्री गर्न लागेको जनाएको हो ।
उक्त सेयर खरिद गर्न इच्छुक योग्य संस्थापक सेयरधनीहरुले आवेदन दिन सक्नेछन् । संस्थापक सेयरधनीहरुले आजैका मितिले (माघ १६ गतेदेखि यता) ३५ दिनभित्र बैंकको बागबजार स्थित सेयर विभागमा लिखित निवेदनसहित सम्पर्क गर्नुपर्नेछ ।
तोकिएको उक्त अवधिमा संस्थापक सेयरधनीहरुले सेयर खरिदका लागि कुनै पनि प्रस्ताव नआएको अवस्थामा प्रचलित कानून बमोजिम अन्य खरिदकर्तालाई बिक्री प्रक्रिया अगाडि बढाइने सूचनामा उल्लेख छ ।
वि.सं.२०७८ माघ २३ आइतवार १५:०७ मा प्रकाशित
