काठमाडौँ । जनरल इन्स्योरेन्स कम्पनीले दोस्रो त्रैमासमा मुनाफा ५० प्रतिशत बढीले बढाउन सफल भएको छ ।
कम्पनीले आज सार्वजनीक गरेको दोस्रो त्रैमासको वित्तीय विवरण अनुसार गत आर्थिक वर्षको दोस्रो त्रैमासको तुलनामा चालु आर्थिक वर्षको सोही अवधिमा कमाएको नाफामा वृद्धि भएको हो ।
सर्वाजनीक वित्तीय विवरण अनुसार कम्पनीको चालु आर्थिक वर्षको पहिलो ६ महिनामा मुनाफा ५६.२० प्रतिशतले बृद्धि भएको छ । गत आवको पहिलो ६ महिनामा ३ करोड ६४ लाख रुपैयाँ रहेको खुद मुनाफा कमाएकोमा चालु आर्थिक वर्षको सोही अवधिमा ५ करोड ६८ लाख ८५ हजार रुपैयाँ खुद नाफा आर्जन गरेको हो ।
यता कम्पनीको कम्पनीको बक्यौता दावी भुक्तानी पनि ११९.८८ प्रतिशतले बृद्धि भएको छ ।
कम्पनीले समग्र बीमाको व्यवसाय ३२.८८ प्रतिशतले बृद्धि गर्न सफल भएको देखिएको छ । गत आवको यसै अवधीमा ३५ करोड रुपैयाँ रहेको कूल बीमा शुल्क आम्दानी समीक्षा अवधीमा ४६ करोड माथि पुगेको छ ।
कम्पनीको बीमा कोष ५९.३८ प्रतिशतले बृद्धि भई ११ करोड ९२ लाख ४८ हजार पुगेको छ । साथै समग्र कोषको आकार ७६.३६ प्रतिशतले बृद्धि भई २६ करोड १७ लाख ६१ हजार रुपैयाँ संचिती रहेको छ ।
गत आवको पुस मसान्तसम्ममा ४२ हजार ७१५ वटा बीमा पोलिसी कायम राखेको जनरल इन्स्योरेन्स कम्पनीले समीक्षा अवधीमा बीमा पोलिसी संख्या १०.८१ प्रतिशतले घटेर ३८ हजार ९८ वटा बीमा पोलिसीमा झरेको छ ।
त्यस्तै कम्पनीको बक्यौता दावी भुक्तानी गत आवमा २५ करोड ६३ लाख १७ हजार रहेकोमा चालु आवको छ महिनाको अवधीमा दोब्बर भन्दा बढि अर्थात ११९.८८ प्रतिशतले बृद्धि भई ५६ करोड ३५ लाख ९९ हजार रुपैयाँ पुगेको छ ।
त्यस्तै कम्पनीको खुद दावी भुक्तानी समेत ११७.१६ प्रतिशतले बृद्धि भएको छ । गत आवमा दुई करोड ७६ लाख रुपैयाँ खुद दावी भुक्तानी गरेको कम्पनीले यस आवमा पाँच करोड ९९ लाख रुपैयाँ खुद दावी भुक्तानी गरेको छ । यसले कम्पनीमा खराव व्यवसाय बृद्धि हुँदै गएको देखिएको छ ।
कम्पनी व्यवस्थापन खर्च १० प्रतिशतले बृद्धि भएको छ ।
वि.सं.२०७८ माघ २४ सोमवार ११:४९ मा प्रकाशित
