काठमाडौँ । बीमा कम्पनीका प्रमुख कार्यकारी अधिकृत (सिईओ) हरुलाई अब तलब घटेर नयाँ नियुक्ति गर्नुपर्ने बाध्यता हटेको छ ।
बीमा समितिले बीमकका सिईओहरुको तलब, भत्ता तथा अन्य सुविधा सम्बन्धी मार्गदर्शन २०७४ को पहिलो संशोधन गर्दै यस्तो व्यवस्था कायम गरेको हो ।
नयाँ व्यवस्था अनुसार सिईओको पुनः नियुक्ति गर्दा वा नयाँ नियुक्ति गर्दा नियम अनुसार गणना गरिएको निश्चित वार्षिक तलब भत्ता रकम भन्दा कम हुन गएमा कम्पनीहरुले समितिको स्वीकृति लिइ खाइपाइआएको भन्दा नबढाइ सोही बराबरको तलब दिन सक्नेछन् ।
“बीमकले प्रमुख कार्यकारी अधिकृतको पुनः नियुक्ति गर्दा वा नयाँ नियुक्ति गर्दा यस उपदफा बमोजिम गणना गरिएको निश्चित वार्षिक तलबभत्ता रकम यस अघि प्रदान गरिएको वार्षिक तलब तथा भत्ताभन्दा कम हुन आएमा समितिको स्वीकृति लिइ अघि प्रदान गरिएको तलबभत्ता रकमसम्म प्रदान गर्न सकिनेछ ।” थपिएको व्यवस्थामा उल्लेख गरिएको छ ।
सामान्यतया सिईओको तलब भक्ता निर्धारण गर्दा सेल्भेन्सी, समान किसिमको बीमा कम्पनीहरुको औषत तलब, भत्ता तथा अन्य सुविधा, व्यवस्थापन खर्च, दावी फछ्यौट, दावी परित्याग, परिपालको अवस्था, गुनासोमा न्युनिकरण, विगत तीन वर्षको अण्डरराइटिङ्ग मुनाफा, समग्र वित्तीय अवस्था र जीवन बीमाको हकमा बीमालेखको नबीकरण दर लाई मध्यजनर गरी तोकिएका मापदण्डको आधारणमा तलब निर्धारण गर्नुपर्दछ ।
जीवन तथा निर्जीवन बीमा व्यवसाय गर्ने बीमकको हकमा विगत तीन आर्थिक वर्षको औषत कर्मचारी खर्चको ६ प्रतिशतसम्म हुनु पर्नेछ । त्यस्तै जीवन र निर्जीवन बीमा व्यवसाय गर्ने बीमकको हकमा बीमकको विगत तीन आर्थिक वर्षहरुको अन्तको औषत कूल सम्पत्तीको क्रमश ०.१ प्रतिशत र ०.५ प्रतिशतसम्म हुनु पर्नेछ । यस आधारमा गणना गर्दा जुनबाट कम रकम आउछ सोहि अनुरुपको निश्चित वार्षिक तलब भत्ता प्रदान गर्नु पर्ने हुन्छ ।
यो व्यवस्थाको कारण कतिपय सिईओहरुले पुनःनियुक्ति तथा नयाँ नियुक्तिमा खाइपाइआएको भन्दा पनि कम हुन आएपछि समितिले यस्तो व्यवस्था थप गरेको हो ।
यसअघि रिलायन्स लाईफको सिईओ राकेश पोखरेल र रिलायन्स लाईफ छोडेर नेपाल लाईफ पुगेका प्रवीणरमण पराजुलीको नियुक्त सम्बन्धमा पनि यहि तलबको विषयमा केही विवदा उठेको थियो । एद्यपी पोखरेल र पराजुलीले दुवैले आफ्नो अडान नछोडेपछि समितिको स्विकृत लिएर माग अनुसार नै तलब दिईएको हो ।
वि.सं.२०७८ माघ २५ मंगलवार १५:५१ मा प्रकाशित