काठमाडौँ । नेपालमा सञ्चालित बीमा कम्पनीहरुले ६ महिनामा १९ अर्ब बढी बीमा शुल्क संकलन गरेका छन् ।
नेपाल हाल सञ्चालनमा रहेका २० निर्जीबन बीमा कम्पनीहरुले चालु आर्थिक वर्षको पुस महिनासम्म कुल १९ अर्ब ९ करोड ८२ लाख रुपैयाँ कुल बीमाशुल्क संकलन गरेका हुन् ।
यो अवधिमा बिमाशुल्क आर्जनमा शिखर इन्स्योरेन्सले अधिपत्य जमाएको छ । शिखरले मात्रै पुससम्ममा आउँदा २ अर्ब ४३ करोड ८१ लाख ३६ हजार रुपैयाँ बिमाशुल्क संकलन गरेको छ ।
त्यसैगरी दोस्रोमा सगरमाथा इन्स्योरेन्सले १ अर्ब ७२ करोड ९६ लाख रुपैयाँ बीमाशुल्क आर्जन गरेको छ भने तेस्रो नम्बरमा नेको इन्स्योरेन्सले १ अर्ब ५८ करोड ३८ लाख रुपैयाँ बीमा शुल्क आर्जन गरेको छ ।
पुस महिनामा मात्रै तीन अर्ब ६७ करोड बीमा शुल्क संकलन, शिखरकै अग्रता
पुस महिनामा मात्रै यी २० कम्पनीले तीन अर्ब ६७ करोड १२ लाख ५७ हजार रुपैयाँ बिमा शुल्क आर्जन गरेका छन् ।
यसो त यो महिनामा मात्रै सबैभन्दा बढी बिमाशुल्क संकलन गर्नेमा पनि शिखर इन्स्योरेन्स नै रहेको छ ।
शिखरले पुसमा मात्रै ७६ करोड तीन लाख रुपैयाँ बीमा शूल्क संकलन गरेको छ । त्यस्तै पुसमा मात्रै २७ करोड ६० लाख रुपैयाँ कुल बीमा शुल्क आर्जन गरेर सगरमाथा इन्स्योरेन्स कम्पनी दोस्रो बन्न सफल भएको छ भने तेस्रो नम्बरमा नेको इन्स्योरेन्सले २७ करोड ६० लाख रुपैयाँ कुल बीमा शूल्क आर्जन गर्न सफल भएको छ ।
हेरौँ पुसमा मात्रै कुन कम्पनीले कति बीमा शुल्क आर्जन गरे,
वि.सं.२०७८ माघ २५ मंगलवार १७:१२ मा प्रकाशित