काठमाडौँ । युनाइटेड मोदी हाईड्रोपावरले चालु आर्थिक वर्षको पहिलो ६ महिनाको वित्तीय विवरण सार्वजनीक गरेको छ ।
सार्वजनीक वित्तीय विवरण अनुसार कम्पनीको वित्तीय प्रगति उल्लेख्य मात्रामा गरेको पाईएको छ ।
कम्पनीले समिक्षा अवधिमा आइपुग्दा नाफामा ५८ प्रतिशतले वृद्धि गरेको छ । अघिल्लो आर्थिक वर्षको पहिलो ६ महिनामा एक करोड ५६ लाख ७१ हजार नाफा कमाएको युनाईटेडले २ करोड ४७ लाख ६२ हजार रुपैयाँ नाफा कमाएको हो ।
त्यस्तै समिक्षा अवधिमा आउँदा चुक्ता पुजीँ स्थिर नै रहेको छ । अर्थात अघिल्लो आर्थिक वर्ष देखि नै १ अर्ब १५ करोड ५० लाख रुपैयाँ रहेको छ । त्यसैगरी जगेडा कोषमा १० करोड १८ लाख ५१ हजार रुपैयाँ कायम भएको छ । यस्तो रकम अघिल्लो आर्थिक वर्षको सोही अवधिमा २ करोड ८६ लाख ९३ हजार थियो ।
यता कम्पनीको प्रतिशेयर आम्दानी दुई रुपैयाँ १५ पैसा कायम रहको छ भने प्रतिशेयर नेटवर्थ एक सय आठ रुपैयाँ छयासी पैसा कायम भएको छ ।
वि.सं.२०७८ माघ २६ बुधवार १२:५४ मा प्रकाशित