काठमाडौं । थप तीन कम्पनीहरुले लाभांश घोषणा गरेका छन् । दुई इन्स्योरेन्स कम्पनीसहित तीन कम्पनीले लाभांश घोषणा गरेका हुन् ।
लाभांश घोषणा गर्नेमा प्रुडेन्सियल इन्स्योरेन्स, नेपाल लाइफ इन्स्योरेन्स र आरम्भ चौतारी लघुवित्त वित्तीय संस्था रहेका छन् ।
जसमध्ये प्रुडेन्सियल इन्स्योरेनस कम्पनीको माघ २४ गते बसेको संचालन समितिको बैठकले ७.३६८ प्रतिशत लाभांश प्रस्ताव गरेको छ ।
कम्पनीले आर्थिक वर्ष २०७७/७८ को मुनाफाबाट सेयरधनीहरुलाई ७ प्रतिशत बोनस सेयर र ०.३६८ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्तावित लाभांश बीमा समितिबाट स्वीकृत भई कम्पनीको आगामी वार्षिक साधारण सभाले पारित गरेपछि वितरण हुनेछ ।
यस्तै, नेपाल लाइफ इन्स्योन्स कम्पनीले आर्थिक वर्ष २०७६/७७ को मुनाफाबाट लाभांश घोषणा गरेको छ ।
कम्पनीको माघ २१ गते बसेको संचालक समितिको बैठकले सेयरधनीहरुलाई १४ प्रतिशत बोनस सेयर र कर प्रयोजनका लागि समेत गरी ०.७३६८ प्रतिशत नगद लाभांश दिने निर्णय गरेको हो ।
कम्पनीको उक्त प्रस्तावित लाभांश बीमा समितिबाट स्वीकृत प्राप्त भई कम्पनीको आगामी वार्षिक साधारण सभाबाट पारित भएपछि वितरण हुनेछ ।
त्यसैगरि आरम्भ चौतारी लघुवित्त वित्तीय संस्थाले गत आर्थिक वर्ष २०७७/७८ को मुनाफाबाट सेयरधनीहरुलका लागि लाभांश घाषणा गरेको छ ।
कम्पनीको माघ २५ गते (मंगलबार) बसेको सञ्चालक समितिको बैठकले २१ प्रतिशत बोनस सेयर वितरण गर्ने घोषणा गरेको हो ।
उक्त प्रस्तावित बोनस सेयर राष्ट्र बैंकबाट स्वीकृत भई कम्पनीको आगामी वार्षिक साधारण सभाले पारित गरेपश्चात वितरण हुनेछ ।
वि.सं.२०७८ माघ २६ बुधवार १७:४९ मा प्रकाशित
