काठमाडौं । बिहीवार सुनको मूल्य वृद्धि भएको छ । उक्त दिन छापवाला सुनको मूल्य प्रतितोला ५ सय रुपैयाँले वृद्धि भएको हो ।
नेपाल बजारमा बुधवार ९३ हजार ४ सय रुपैयाँमा कारोबार भएको सुन आज बढेर ९३ हजार ९ सय रुपैयाँ पुगेको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनका मूल्य भने ९३ हजार ४ सय रुपैयाँ कायम भएको छ । अघिल्लो दिन तेजावी सुन ९२ हजार ९ सय रुपैयाँमा कारोबार भएको थियो ।
यस्तै, साताको पाँचौ कारोबार दिन चाँदीको मूल्य भने स्थिर रहेको छ । अघिल्लो दिन प्रतितोला १ हजार २८० रुपैयाँमा कारोबार भएको सुन आज पनि सोही मूल्यमा खरिदबिक्री हुनेछ ।
वि.सं.२०७८ माघ २७ बिहीवार ११:०८ मा प्रकाशित