काठमाडौं । मेट लाइफ इन्स्योरेन्स कम्पनीले चालु आर्थिक वर्षको दोस्रो त्रैमासमा आउँदा नाफामा गिरावट आएको छ ।
अघिल्लो आर्थिक वर्षको पुस मसान्तको तुलनामा चालु आर्थिक वर्षको पुसमसान्तसम्म आर्जन गरेको नाफामा कमि आएको हो ।
अघिल्लो आर्थिक वर्षको तुलनामा चालु आर्थिक वर्षको पहिलो ६ महिनाको नाफा ३६.४० प्रतिशतले घटेको छ । अघिल्लो आर्थिक वर्षको पुससम्म १६ करोड ३३ लाख रुपैयाँ बीमा शुल्क आर्जन गरेको कम्पनीले चालु आर्थिक वर्षको सोही अवधिमा मात्रै १० करोड ३९ लाख रुपैयाँ मुनाफा आर्जन गरेको हो ।
यता कम्पनीको खुद बीमा शुल्क आर्जनमा सामान्य सुधार देखिन्छ । पुस मसान्तसम्ममा कम्पनीले २ अर्ब ५३ करोड रुपैयाँ आर्जन गरेको छ । गत वर्षको यहि अवधिमा भने २ अर्ब ४४ करोड रुपैयाँ थियो ।
कुल बीमा शुल्क हेर्ने हो भने २ अर्ब ६४ करोड रुपैयाँ रहेको छ । गत वर्षको यहि अवधिमा यस्तो आर्जन २ अर्ब ५३ करोड रुपैयाँ थियो । कम्पनीले पुस मसान्तसम्ममा ११ लाख तीन हजार ८३१ वटा पोलिसी जारी गरेको छ । कम्पनीले दोस्रो त्रैमाशिक अवधिमा २ अर्ब १८ करोड रुपैयाँको खुद दाबी भुक्तानी गरेको छ । अभिकर्ताले यस वर्ष २४ करोड ३५ लाख रुपैया कमिशन प्राप्त गरेका छन् ।
कम्पनीको जगेडा कोषमा २ अर्ब ५७ करोड रुपैयाँ जम्मा भएको छ । जीवन बीमा कोषमा १९ अर्ब ६१ करोड रुपैयाँ रहेको छ ।
वि.सं.२०७८ माघ २७ बिहीवार १२:२२ मा प्रकाशित