काठमाडौ । अर्थमन्त्री जनार्दन शर्मा बरालले नेपालबाट पुँजीपलायन हुने गरेको र त्यसका लागि बाटो परिवर्तन गरिएको बताएका छन् । विहिबार बजेटको अर्धबार्षिक समिक्षा गर्दै उनले पछिल्लो समयमा नेपालबाट पुँजीपलायन भइरहेको र सो विटक्वाइन, क्रिप्टोकोरेन्सी जस्ता भर्चुअल मनीको माध्यमबाट भइरहेको बताए ।
उनले भने, ‘पुँजी पलायनका लागि बाटो परिवर्तन भएको छ, त्यसलाई रोक्ने अर्थमन्त्रालय, नेपाल राष्ट्र बैंक राजस्व अनुसन्धान विभागले छुट्टा छ्टटै संयन्त्र बनाएर अनुसन्धान गरिरहेका छन् ।’
उनले पुँजीपलायनलाई रोक्नका लागि सवैको सहयोग चाहिने भन्दै अर्थमन्त्रीको हैसियतमा पुँजीपलायन भएको कुरा स्वीकार्नु ठूलो कुरा भएपनि गम्भीर भएकोले सवैको सहयोगको लागि आफू पारदर्शि भएको बताए ।
‘नेपालमा पुजीपलायन पहिलदेखि नै हुने गरेको थियो तर अव भने यसले भर्चुअल रुप समेत दिएको छ । ’मन्त्री शर्माले भने । नेपालबाट ठूला घराना पर्यटन भिसामा वा विबाह ब्रतबन्ध गर्दा विदेशमा गर्ने र यहाँबाट भिभिआइपीहरु लगेर उनीहरु मार्फत नै सहजे पुजी विदेशमा लैजाने गरेको राष्ट्र बैंकको तथ्यांकले इंकित गरेको थियो ।
वि.सं.२०७८ माघ २७ बिहीवार १६:५० मा प्रकाशित
