काठामाडौँ । सगरमाथा इन्स्योरेन्स कम्पनी लिमिटेडको चालु आर्थिक वर्षको पहिलो ६ महिनाको नाफामा सामान्य वृद्धि भएको छ ।
समिक्षा अवधिमा कम्पनीको नाफा ४ लाख ३३ हजार रुपैयाँले बढेर १७ करोड ७७ लाख रुपैयाँ कायम भएको छ । गत आर्थिक वर्षको सोही अवधिमा कम्पनीले १७ करोड ७२ लाख ६७ हजार रुपैयाँ नाफा कमाएको थियो ।
सामान्य नाफा कमाएको सगरमाथा इन्स्योरेन्सको बीमा शूल्क आर्जनमा पनि सामान्य वृद्धि भएको छ । गत आर्थिक वर्षको पहिलो ६ महिनामा १ अर्ब ३४ करोड ६९ लाख रुपैयाँ बीमा शूल्क आर्जन गरेको यस कम्पनीले यो आर्थिक वर्षमा १ अर्ब ३४ करोड ६९ लाख रुपैयाँ आर्जन गरेको छ ।
यता दावी भुक्तानिमा पनी वृद्धि भएको छ । चालु आर्थिक वर्षको ६ महिनामा कम्पनीले ७५ करोड ३० लाख ४४ हजार रुपैयाँ दाबी भुक्तानी गरेको छ भने गत आर्थिक वर्षको सोही अवधिमा ५५ करोड ७९ लाख ४४ हजार रुपैयाँ दावी भुक्तानी गरेको थियो ।
कम्पनीको चुक्ता पुजीँ २ अर्ब ९० करोड ७१ लाख ५८ हजार रुपैयाँ कायम भएको छ । त्यसैगरी १ अर्ब ११ करोड १३ लाख ५७ हजार रुपैयाँ जगेडा कोष रहेको कम्पनीको प्रति शेयर आम्दानी ३१.९८ रुपैयाँ र प्रति शेयर नेटवर्थ २६२ रुपैयाँ कायम रहेको छ ।
वि.सं.२०७८ माघ २८ शुक्रवार १२:३३ मा प्रकाशित