काठमाडौं । सिनर्जी पावर डेभलपमेन्ट कम्पनीले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले ५ करोड ६२ लाख १२ हजार रुपैयाँ नाफा कमाएको छ । जुन गत वर्षको तुलनामा भने १३.६६ प्रतिशतले कमी हो । गत वर्षको पुस मसान्तसम्ममा भने कम्पनीको यो नाफा ६ करोड ५१ लाख १२ हजार रुपैयाँ रहेको थियो ।
चालु आवको ६ महिनाको अवधिमा कम्पनीको विद्युत बिक्रीबाट हुने आम्दानी पनि ६.७९ प्रतिशतले गिरावट आएको छ । जसका कारण नाफा घट्न पुगेको हो ।
गत वर्षको पुस मसान्तसम्ममा १३ करोड १४ लाख १७ हजार रुपैयाँ रहेको विद्युत बिक्रीबाट हुने आम्दानी यस वर्षको सोही अवधिमा भने १२ करोड २४ लाख ९२ हजार रुपैयाँ रहेको छ ।
कम्पनीको चुक्ता पुँजी ८० करोड ६५ लाख ७५ हजार रुपैयाँ रहेको छ । कम्पनीले जगेडा तथा कोष पनि १३.६६ प्रतिशतले घटेर ५ करोड ६२ लाख १२ रुपैयाँ कायम भएको छ ।
कम्पनीको प्रतिसेयर आम्दानी ११ रुपैयाँ ५९ पैसा र प्रतिसेयर नेटवर्थ १०६ रुपैयाँ ९७ पैसा रहेको छ ।
वि.सं.२०७८ माघ २८ शुक्रवार १२:४५ मा प्रकाशित
