काठमाडौं । ग्रामीण विकास लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको पुुस मसान्तसम्ममा कम्पनीको १९ करोड २६ हजार रुपैयाँ नाफा कमाएको छ । जुन गत वर्षको सोही अवधिको तुलनामा ६.५१ प्रतिशतले बढी हो । गत वर्षको पुस मसान्तसम्ममा कम्पनीले १७ करोड ८४ लाख १० हजार रुपैयाँ नाफा गरेको थियो ।
चालु आवको ६ महिनाको अवधिमा कम्पनीको खुद ब्याज आम्दानी पनि १३.२३ प्रतिशतले वृद्धि भई ६३ करोड २१ लाख ९५ हजार रुपैयाँ पुगेको छ । गत वर्षको सोही अवधिमा भने ५५ करोड ८३ लाख ३ हजार रुपैयाँ आम्दानी गरेको थियो ।
उक्त अवधिमा कम्पनीको संचालन मुनाफा २८ करोड ५४ लाख ७३ हजार रुपैयाँ रहेको छ । कम्पनीको चुक्ता पुँजी ९८ करोड २५ लाख रुपैयाँ रहेको छ । कम्पनीले जगेडा तथा कोषमा १ अर्ब २० करोड ४९ लाख ८३ हजार रुपैयाँ राखेको छ ।
कम्पनीको खराब कर्जा पनि ४.७१ प्रतिशत पुगेको छ । कम्पनीको प्रतिसेयर आम्दानी ३८ रुपैयाँ ६८ पैसा र प्रतिसेयर नेटवर्थ २२२ रुपैयाँ ६४ पैसा रहेको छ ।
वि.सं.२०७८ माघ २८ शुक्रवार १२:१४ मा प्रकाशित