काठमाडौं । निर्धन उत्थान लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
चालु आवको ६ महिनाको अवधिमा कम्पनीले ४९ करोड ३९ लाख ९५ हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा भने ७६३ प्रतिशत अर्थात ८.६३ गुणाले बढी हो । गत वर्षको सोही अवधिमा कम्पनीले ५ करोड ७१ लाख ९३ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी भने २.०३ प्रतिशतले वृद्धि भई १ अर्ब ६ करोड ३५ करोड २३ लाख ७६ हजार रुपैयाँ पुगेको छ । कम्पनीको वितरणयोग्य मुनाफा भने ३८ करोड ५३ लाख १६ हजार रुपैयाँ रहेको छ ।
उक्त अवधिमा कम्पनीको कम्पनीको संचालनमा मुनाफा पनि ७५९.३७ प्रतिशतले वृद्धि भई ७० करोड २० लाख ४६ हजार रुपैयाँ पुगेको छ । गत वर्षको पुस मसान्तसम्ममा कम्पनीको यो मुनाफा ८ करोड १६ लाख ९३ हजार रुपैयाँ रहेको थियो ।
कम्पनीको चुक्ता पुँजी २ अर्ब १९ करोड ५० लाख २५ हजार रुपैयाँ रहेको छ । कम्पनीले जगेडामा भने १ अर्ब ५९ करोड ९० लाख ८९ हजार रुपैयाँ राखेको छ ।
कम्पनीको खराब कर्जा पनि ह्वात्तै घटाएको छ । गत वर्षको पुस मसान्तमा १५.१५ प्रतिशत रहेको खराब कर्जा यस वर्षको सोही अवधिमा भने घटेर ३.२३ प्रतिशतमा झारेको छ ।
कम्पनीको प्रतिसेयर आम्दानी ४५ रुपैयाँ १ पैसा र प्रतिसेयर नेटवर्थ १९६ रुपैयाँ १९ पैसा रहेको छ ।
वि.सं.२०७८ माघ २८ शुक्रवार १५:३८ मा प्रकाशित