काठमाडौं । स्वस्तिक लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार चालु आवको ६ महिनाको अवधिमा कम्पनीले ३२ लाख ५२ हजार रुपैयाँ नाफा गरेको छ । जुन गत वर्षको पुस मसान्तसम्मको अवधिको तुलनामा ७.८४ प्रतिशतले कमी हो । गत वर्षको सोही अवधिमा कम्पनीले ३५ लाख २९ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी भने ८१.६३ प्रतिशतले वृद्धि भई १ करोड १ लाख २८ हजार रुपैयाँ पुगेको छ । कम्पनीको यो आम्दानी गत वर्षको पुस मसान्तसम्ममा ५५ लाख ७६ हजार रुपैयाँ रहेको थियो ।
चालु आवको पुस मसान्तसम्ममा कम्पनीको संचालन मुनाफा ३८ लाख ५६ हजार रुपैयाँ रहेको छ । कम्पनीको यो मुनाफा गत वर्षको सोही अवधिमा भने २९ लाख ४६ हजार रुपैयाँ रहेको थियो ।
कम्पनीको चुक्ता पुँजी १ करोड २० लाख रुपैयाँ रहेको छ । कम्पनीले जगेडा तथा कोषमा भने १ करोड २१ लाख ४३ हजार रुपैयाँ राखेको छ ।
उक्त अवधिमा कम्पनीको खराब कर्जा पनि वृद्धि भएको छ । गत वर्षको पुस मसान्तसम्ममा ०.०६ प्रतिशत रहेको खराब कर्जा बढेर २.१२ प्रतिशत पुगेको छ ।
वि.सं.२०७८ फागुन ५ बिहीवार ११:२२ मा प्रकाशित