काठमाडौं । नेपाल ल्यूब आयलले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले उक्त अवधिमा २ करोड ११ लाख ५४ हजार रुपैयाँ नाफा कमाएको छ । कम्पनीको यो नाफा गत वर्षको पुस मसान्तसम्मको तुलनामा भने ३३.५१ प्रतिशतले बढी हो । गत वर्षको सोही अवधिमा कम्पनीले १ करोड ५८ लाख ४४ हजार रुपैयाँ नाफा गरेको थियो ।
कम्पनीको संचालन आम्दानी वृद्धि भएसंगै नाफा बढेको हो । चालु आवको ६ महिनाको अवधिमा कम्पनीको संचालन आम्दानी २१.७५ प्रतिशतले वृद्धि भई ६० करोड ९ लाख ३ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी ४९ करोड ३५ लाख ५० हजार रुपैयाँ रहेको थियो ।
उक्त अवधिमा कम्पनीको संचालन मुनाफा १८.३५ प्रतिशतले वृद्धि भई ३ करोड ७९ लाख ८८ हजार रुपैयाँ पुगेको छ ।
कम्पनीको चुक्ता पुँजी ३ करोड ८७ लाख ५८ हजार रुप्ैयाँ रहेको छ । कम्पनीले जगेडा तथा कोषमा भने ३१ करोड १५ लाख १४ हजार रुपैयाँ राखेको छ ।
वि.सं.२०७८ फागुन ८ आइतवार ११:१६ मा प्रकाशित