काठमाडौँ । नेप्सेमा सूचिकृत भएका निर्जीवन बीमा कम्पनीहरुमध्ये अझै पाँच वटाको लाभांश घोषणा हुन बाँकी छ ।
नेपाल इन्स्योरेन्स, शिखर इन्स्योरेन्स, युनाईटेड इन्स्योरेन्स, जनरल इन्स्योरेन्स र राष्ट्रय बिमा कम्पनीको लाभांश घोषणा अर्थात दिने नदिने निर्णय हुन बाँकी रहेको छ ।
नेपाल इन्स्योरेन्सः
कम्पनीले अघिल्लो आर्थिक वर्ष(विं.सं.२०७६/७७) मा नगद १.४६ र बोनस २७.७७ प्रतिशत गरी २९.२३ प्रतिशत लाभांश दिएको थियो ।
अघिल्ला वर्षहरुको लाभांश स्थितिः
युनाईटेड इन्स्योरेन्सः
युनाईटेड इन्स्योरेन्सले अघिल्लो आर्थिक वर्षबाट लागनीकर्तालाई लाभांश दिएको छैन । यो पटक पनि अहिलेसम्म घोषणा नगरेको हुँदा दिने सम्भावना एकदम न्युन देखिन्छ ।
यद्यपी कम्पनीले आर्थिक वर्ष २०७१/०७२ मा बोनस २० प्रतिशत दिएको थियो भने आर्थिक वर्ष २०७२/७३ मा १० प्रतिशत दिएको थियो ।
शिखर इन्स्योरेन्सः
यो कम्पनीले गत आर्थिक वर्षमा नगद १.६४ र बोनश २७.७७ प्रतिशत दिएको थियो । त्यस्तै गत वर्षहरुमा निम्नानुसार लाभांश दिएको हो ।
जनरल इन्स्योरेन्स
यो कम्पनीले गत आर्थिक वर्ष (२०७७/७८) असोज ११ गते देखि असोज १४ गतेसम्म साधारण सेयर बिक्रि खुल्ला गरेको थियो । त्यो सँगै असोज २० गते बाँडफाँड भएर सोही महिनाको २६ गते नेप्सेमा सूचिकृत भएको हो ।
तसर्थ यो वर्ष लगानीकर्ताको लागि लाभांश वितरण गर्ने छ ।
राष्ट्रिय बिमा कम्पनी
राष्ट्रिय बिमा कम्पनी विं.सं.२०७१ साल साउन १८ गतेदेखि राष्ट्रिय बिमा संस्थानबाट छुट्टिएर नीर्जिबन बीमा ब्यावसाय गर्दै आएको पब्लिक कम्पनी हो । यसमा हाल नेपाल सरकारको ४७.५० प्रतिशत, कर्मचारी सञ्चय कोषको २२ प्रतिशत र नेपाल बैंकको १०.५४ प्रतिशत र साधारण सेयर १९.५४ प्रतिशत रहेको छ ।
यो सेयर संरचना आ.व.२०७०/७१ को साधारण सभा पश्चात परिर्वतन हुने कम्पनीले उल्लेख गर्दै आएको छ । तर कम्पनी सञ्चालनमा आएको ७ वर्ष सकिदा पनि यो बिमा समितिको नियमनको क्षेत्राधिकार भित्र आउन सकेको छ न त मन्त्रालयबाटै नियमन भई ऐन नियममा बाधिएको छ ।
कम्पनीका अनुसार बल्ल वि.संस २०६८/०६९ देखि ०७२/०७३ को लेखापरीक्षण सम्पन्न गरी वित्तीय विवरण स्वीकृतिका लागि बीमा समितिमा पठाईएकोमा आर्थिक वर्ष २०७०/७१ स्वीकृत भएको छ । त्यस्तै आ.व.०७१/७२ र ०७२/७३ को स्वीकृतिका क्रममा रहेको छ ।
आ.व.०७३/७४ को महालेखा परीक्षको सिफारिसमा नियुक्त लेखापरीक्षकबाट प्रारम्भिक लेखापरीक्षण प्रतिवेद प्राप्त भई अन्तिम प्रतिवेदन प्राप्त हुने क्रममा रहेको र ०७४/७५ र०७५/७६ को लेखापरीक्षणको कार्य अन्तिम चरणमा पुगेको कम्पनीले जनाएको छ । त्यो पछिका दुई आर्थिक वर्षको त अझै कहिले हो कुनै सुरसार नै छैन ।
वि.सं.२०७८ फागुन २२ आइतवार १७:०६ मा प्रकाशित