काठमाडौं । तारागाउँ रिजेन्सी होटल्स लिमिटेडले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
कम्पनीले सोमबार प्रकाशित गरेको वित्तीय विवरण अनुसार उक्त अवधिमा १२ लाख ५९ लाख रुपैयाँ नोक्सानीमा रहेको छ ।
उक्त अवधिमा कम्पनीले नोक्सानी घटाएको हो । गत वर्षको पुस मसान्तसम्ममा ८ करोड ७५ लाख ८३ हजार रुपैयाँ नोक्सानीमा रहेको थियो । चालु आवको दोस्रो त्रैमासमा कम्पनीको आम्दानीमा वृद्धि भएकाले नोक्सानी घटाएको हो ।
चालु आवको दोस्रो त्रैमाससम्ममा कम्पनीको आम्दानी १०११.४९ प्रतिशतले बढेर २६ करोड ४७ लाख पुगेको छ । गत वर्षको सोही अवधिमा कम्नपीको यो आम्दानी २ करोड ३८ लाख २० हजार रुपैयाँ रहेको थियो ।
कम्पनीको चुक्ता पुँजी १ अर्ब ८८ करोड ६६ लाख ५४ हजार रुपैयाँ रहेको छ । कम्पनीको जगेडा कोषमा २४ करोड २१ लाख ५३ हजार रुपैयाँ राखेको छ ।
कम्पनीको प्रतिसेयर आम्दानी पनि ऋणात्मक देखिएको छ । गत वर्षको दोस्रो त्रैमासमा ४ रुपैयाँ ६४ पैसा रहेको प्रतिसेयर आम्दानी यो वर्षको सोही अवधिमा भने भने ७ पैसा ऋणात्मक देखिएको छ ।
यस्तै, कम्पनीको प्रतिसेयर नेटवर्थ पनि ७ रुपैयाँ १२ पैसाले घटेर ११६ रुपैयाँ १५ पैसा कायम भएको छ ।
वि.सं.२०७८ फागुन ३० सोमवार १४:२२ मा प्रकाशित
