काठमाडौं । प्रहरी प्रधान कार्यालय केन्द्रीय अनुसन्धान ब्युरो(सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले ललितपुर महानगरपालिका–६घर भई हाल भक्तपुर उपमहानगरपालिका–११ कमलविनायम बस्ने राधा माताङ्गीलाई पक्राउ गरेको हो ।
उनले आफ्नो बैंक खातामा पर्याप्त रकम मौज्दात रकम नभएको भन्ने जानी जानी झुक्यानमा पारि २०७७ साउन २० गते सानिमा बैंकको चेक दिएका थिइन् ।
४१ वर्षीय माताङ्गीलाई उच्च अदालत पाटनले गत पुस २० गते बैंकिङ्ग कसूर तथा सजाय ऐन,२०६४ बमोजिम कसूरमा १९ लाख रुपैयाँ जरिवाना र पाँच दिन कैद हुने ठहर गरेको थियो ।
अदालतको फैसला कार्यान्वयनका लागि केन्द्रीय अनुसन्धान ब्युरोले खोजतलासका क्रममा आज अर्थात फागुन ३० गते सुर्यविनायकबाट पक्राउ गरेको हो ।
फैसला कार्यान्वयनका लागि उनलाई आजै जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ फागुन ३० सोमवार १४:४५ मा प्रकाशित