काठमाडौं । माछापुच्छ्रे बैंक संस्थापक सेयर बिक्री गर्ने भएको छ ।
बैंकले संस्थापक सेयरधनी भरत कुमार श्रेष्ठको नाममा रहेको १ लाख ६४ हजार १३१ कित्ता संस्थापक सेयर बिक्री गर्न लागेको हो ।
उक्त सेयरको मूल्य भने तोकिएको छैन । उक्त सेयर खरिद गर्न इच्छुक बैंकका हाल कायम रहेका संस्थापकहरुले आवेदन दिन सक्नेछन् ।
आवेदन आजको मितिले ३५ दिनभित्र कम्पनीको केन्द्रीय कार्यालय, पुतलीसडक, काठमाडौंको सेयर विभागमा आफूले खरिद गर्न चाहेको मूल्य र सेयर संख्या खुलाई निवेदन पेश गर्न पर्नेछ ।
तोकिएको उक्त समय अवधिमा विद्यमान संस्थापकबाट सेयर खरीद गर्न निवेदन नआएमा प्रचलित कानून बमोजिम अन्य व्याक्ति संघ संस्थालाई बिक्री गरिने बताइएको छ ।
वि.सं.२०७८ चैत १ मंगलवार १३:०६ मा प्रकाशित