काठमाडौं । नेपाल आयल निगम लिमिटेडले साधारण सभाका लागि मिति तय गरेको छ । कम्पनीले ४०औं वार्षिक साधारण सभा आउँदो चैत २५ गते गर्ने भएको हो ।
कम्पनीको चैत २ गते बसेको सञ्चालक समितिको बैठकले उक्त दिन सभा गर्ने निर्णय गरेको हो । सभा कम्पनीको सभाकक्ष टेकु, काठमाडौंमा दिउँसो १ बजे सुरु हुनेछ ।
सभाले सञ्चालक समितिको प्रतिवेदन पारित गर्ने, आर्थिक वर्ष २०७७/७८ को लेखापरीक्षकको नियुक्ति, पारिश्रमिक एवम् खर्च अनुमोदन गर्नेछ ।
यसका साथै आव २०७८/७९ को लागि लेखापरीक्षकको नियुक्ति र निजको पारिश्रमिक तोक्ने लगायतका प्रस्ताव पनि पारित गर्नेछ ।
वि.सं.२०७८ चैत ३ बिहीवार १२:०२ मा प्रकाशित