काठमाडौँ । नागरिक उड्डयन प्राधिकरणले ७ वायुसेवा कम्पनीलाई समयमै वक्यौता वापतको रकम एक हप्ताभित्रमा बुझाउन निर्देशन दिएको छ ।
क्यानले नेकोन, शिवानी, गोरखा, माउण्टेन एयर, कस्मिक, स्काईलाइन र एयर काष्ठमण्डपलाई ७ दिन भित्र वक्यौता बुझाउन भनेको हो ।
उक्त सात कम्पनीलाई ९ करोड १७ लाख रुपैयाँ बराबरको रकम बुझाउन भनेको हो । क्यानका अनुसार नेकोनका सञ्चालकहरु दीपमणी राजभण्डारी, मुकुन्दभक्त श्रेष्ठ, दीपकराज कोइराला, रविन्द्र श्रेष्ठ, मृगेन्द्र जोशी र रविचन्द्रमान जोशीले ४ करोड ७२ लाख, २५ हजार ३५३ रुपैयाँ बुझाउन बाँकी छ ।
त्यस्तै शिवानी एयरका सञ्चालक मणिन्द्रलाल रञ्जितकारले ५५ लाख ५१ हजार ५३ रुपैयाँ र गोरखा एयरका सञ्चालकहरु प्रज्वल श्रेष्ठ, डा, उज्वल श्रेष्ठ, गिन्नी बाबा श्रेष्ठ, सूर्यप्रसाद श्रेष्ठले २० लाख ३५ हजार २९ रुपैयाँ बुझाउन बाँकी छ ।
माउण्टेन एयरका सञ्चालकहरु प्रज्ञान शमशेर जबरा, सिद्धिका राणा र शिवेन्द्र बहादुर बस्नेतले ६ लाख १० हजार ८३४ रुपैयाँ र कस्मिक एयरका सञ्चालक क्याप्टेन रविन्द्र प्रसाद प्रधानले ३ करोड ४७ लाख ५८ हजार ७० रुपैयाँ बुझाउन बाँकी छ ।
स्काइलाइन एयरवेजका सञ्चालकहरु आंग छिरिङ शेर्पा, मिङमा दोर्जे शेर्पा, पेम्बा छिरिङ शेर्पा, तेञ्जिङ नोर्बु शेर्पा, यादब खरेल, बिक्रम पाँडे, केदारबहादुर प्रधानांग, उत्तम कृष्ण खरेलको ७ लाख ८० हजार ४०० रुपैयाँ बुझाउन बाँकी छ ।
त्यसैगरी, एयर काष्ठमण्डपका सञ्चालकहरु प्रज्वल श्रेष्ठ, उज्लव श्रेष्ठ र हमाद अली जावोर (कतार)ले गरी ७ लाख ३८ हजार ४४७ रुपैयाँ बुझाउन बाँकी छ ।
क्यानले यसअघि ३ पटकसम्म बक्यौता वापतको रकब बुझाउन पत्राचार गरिसकेको थियो । क्यानका अनुसार २०७६ असोज ७ गते, २०७७ माघ २६ गते र २०७८ भदौ १२ गते वक्यौता बुझाउन सार्वजनीक सूचना नै प्रकाशित गरिएको थियो ।
यो पटक भने क्यानले ती कम्पनीबरुलाई एक हप्ताभित्रमा या त वक्यौता तिर्न अथावा आफूले रकम बुझाउनु नपर्ने भएमा प्रमाणसहित उपस्थित हुन भनेको छ ।
वि.सं.२०७८ चैत ६ आइतवार ११:३३ मा प्रकाशित
